Barne-balidazioko taldean bigarren defentsa-lerroa gara eredu-arriskuaren kudeaketan. Bermatzen dugu erakundeak erabiltzen dituen ereduak eta parametroak sendoak eta koherenteak izatea, eta indarrean dagoen araudia betetzea. Begirada independente, zorrotz eta eraikitzaile batetik egiten dugu, erabakiak tresna sendo, garden eta ondo dokumentatuetan oinarritzen direla ziurtatuz.

Zer egingo duzu zure egunerokoan?

Talde tekniko eta kolaboratzaile bateko kide izango zara, bikaintasunera bideratua, eta jarduera hauek egingo dituzu, besteak beste:

• IRB perimetroaren barruko zorroen segmentazioa berrikustea eta baliozkotzea.
• Dokumentazio metodologikoa aztertzea eta eredu eta parametroen errepikagarritasuna bermatzea (PD, LGD, EAD/CCF).
• Balioztatze kuantitatiboko probak egitea, hainbat azterketa estatistikoren bidez.
• Iritzi kritikoak eta independenteak ematea funtsezko elementuei buruz: metodologia, datuak, dokumentazioa, ereduaren erabilera eta gobernu korporatiboa.
• Indarrean dauden arauen eskakizunen araberako baliozkotze-txostenak egitea.
• Ereduen urteko jarraipena egitea eta gomendioen ezarpena gainbegiratzea.
• Eredu eta parametroetan aldaketa garrantzitsuak baliozkotzea, erregulazio-baldintzekin bat datozela ziurtatuz.

Zer espero dugu zugandik?

• Matematikako, Fisikako, Ekonomia Kuantitatiboko, Ingeniaritza Informatikoko, Datuen Zientziako, Adimen Artifizialeko edo antzeko gradua. Informazioaren analisian, datu-baseen kudeaketan edo finantza kuantitatiboetan graduondoko prestakuntza izatea baloratuko da.
• Gutxienez 2 urteko esperientzia izatea barne-ereduetako edo barne-baliozkotzeko proiektuetan.
• Kreditu-arriskuaren modelizazioa ezagutzea.
• Estatistika-ezagutza eta datuen analisiari buruzko ezagutza sendoak.
• Datu-baseen tresnak eta inguruneak menderatzea (SAS, SQL, Teradata...).
• Aplikatu beharreko araudia ezagutzea (NIIF, CBE 4/2017, UE 575, CRD-IV, Basilea IV).
• Euskara eta ingeles maila altua.

ZER ESKAINTZEN DUGU?

Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako:

• Talde-lana, elkarrekiko laguntza eta parte-hartzea sustatzen ditugu.

• Prestakuntza pertsonalizatzen dugu, pertsonen trebakuntza beren bizitza profesional osoan garatzeko.

• Bizitza profesionalaren eta pribatuaren artean oreka ona egon dadin behar duzun malgutasuna eskaintzen dugu.

• Barne-talentuaren aldeko apustua egiten dugu, eta, horregatik, erronka berriei aurre egiteko eta rol berriak hartzeko aukera ugari izango dituzu.

• Zainduz gure osasun-programaren bidez zainduko zaitugu. Programa horren bidez, honako hauetaz gozatu ahal izango duzu: ohitura osasungarriei eta ongizate emozionalari buruzko tailerrak, Fisioterapia digitaleko zerbitzua, oinez edo bizikletan lanera etortzeko pizgarriak...

• Lagun Aroren koadro medikorako sarbidea erraztuko dizugu zuretzat eta zure familiarentzat, baita banku- eta aseguru-baldintza berezietarako ere.

Azken batean, lan-ingurune inklusiboak eta errespetuzkoak eskaintzen ditugu, lan-dinamiketan eta karrera profesionaletan gizonen eta emakumeen arteko aukera-berdintasuna bermatzen dugu, berdintasunaren arloan erreferentzia izateko lan eginez.