Laboral Kutxan, Berrikuntza eta Open Business arloaren barruan, oinarri teknologikoa eta profil berritzailea duen pertsona bat sartu nahi dugu Arrasateko (Gipuzkoa) gure Zerbitzu Zentraletarako. Bere eginkizuna joerak eta aukerak detektatzea, proiektuak bultzatzea eta negozioaren beharrak soluzio teknologikoki aurreratuekin konektatzea izango da -bereziki AAn oinarritutakoekin- banku-negozioarentzat eta aseguratzailearentzat balioa sor dezaten.

ZURE EGUNEROKO LANA

• Entzute aktiboa erabiltzea eta negozioaren beharrak ulertzea (banka eta aseguruak), erronka bakoitzaren zertarakoa eta zergatia identifikatuta.

• Finantzen eta aseguruen sektorean sortzen ari diren joerak eta irtenbideak aztertzea, baita beste player batzuen mugimenduak ere.
• Soluzio teknologiko aurreratuak -askotan, AAn oinarritutakoak- aztertzea eta ebaluatzea, honako hauek barne:
• Merkatu-soluzioak aztertzea eta balorazio konparatiboak egitea.
• Hirugarrenekin garapen-aukeren ebaluatzea (unibertsitateak, start-upak, ikerketa-zentroak).
• Alternatiba desberdinetan teknikoki sakontzea.
• Soluzioak negoziatzea eta hautatzea.
• Merkatu-soluzioaren matrize konparatiboak eraikitzea, hainbat irizpide baloratuz, hala nola kostua, epea, heldutasuna, arriskuak, segurtasuna, eskalagarritasuna edo integrazioa.
• Kontzeptu-probak gidatzea negozio-arloekin batera.
• Hautatutako ekimenen ondoriozko barne-proiektuak gidatzea edo horietan laguntzea.
• Kanpoko aliantzak sortzen eta mantentzen parte hartzea (start-upak, unibertsitateak, aholkularitza-enpresak, sektoreko erakundeak, Korporazioa, etab.).

ZURE ALDETIK JARRI BEHARREKOA

Ezagutza teknologikoak (bereziki, arlo hauetan):

• Adimen Artifiziala
• Soluzioen ekosistema eta sektoreko player nagusiak. [murrayresources.com]
• Eragileak, eredu sortzaileak eta erabilera-kasu aurreratuak.
• Gobernantzaren, ebaluazioaren eta adopzio arduratsuaren printzipioak.
• Garapen teknologikoa (elkarrizketa teknikorako gaitasuna).
• Segurtasuna, hodeia eta azpiegitura.

Pertsona ikusmira, proaktiboa eta ideiak sortzeko eta espazio berriak esploratzeko gai dena bilatzen dugu.
Harremanak izateko, eragiteko eta modu autonomoan nahiz taldean lan egiteko trebetasunekin.
Esperientzia berrikuntzan, finantza-negozioaren ezagutzak eta euskara- eta ingeles-maila ona izatea baloratuko da.

ZER ESKAINTZEN DUGU?

Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako:

• Talde-lana, elkarrekiko laguntza eta parte-hartzea sustatzen ditugu.

• Prestakuntza pertsonalizatzen dugu, pertsonen trebakuntza beren bizitza profesional osoan garatzeko.

• Bizitza profesionalaren eta pribatuaren artean oreka ona egon dadin behar duzun malgutasuna eskaintzen dugu.

• Barne-talentuaren aldeko apustua egiten dugu, eta, horregatik, erronka berriei aurre egiteko eta rol berriak hartzeko aukera ugari izango dituzu.

• Zainduz gure osasun-programaren bidez zainduko zaitugu. Programa horren bidez, honako hauetaz gozatu ahal izango duzu: ohitura osasungarriei eta ongizate emozionalari buruzko tailerrak, Fisioterapia digitaleko zerbitzua, oinez edo bizikletan lanera etortzeko pizgarriak...

• Lagun Aroren koadro medikorako sarbidea erraztuko dizugu zuretzat eta zure familiarentzat, baita banku- eta aseguru-baldintza berezietarako ere.

Azken batean, lan-ingurune inklusiboak eta errespetuzkoak eskaintzen ditugu, lan-dinamiketan eta karrera profesionaletan gizonen eta emakumeen arteko aukera-berdintasuna bermatzen dugu, berdintasunaren arloan erreferentzia izateko lan eginez.