Erakundeko krisi-egoeretarako prestakuntza eta erantzuna bultzatzea izango da zure zeregina, estrategiak diseinatuz, planak koordinatuz eta jarraitutasun operatiboa bermatuko duten probak eta simulazioak eginez.

ZURE EGUNEROKO LANA

• Negozioaren jarraitutasuna bultzatzea eta kudeaketa-sistema eta krisi-plana kudeatzea.
• Politikak, prozedurak eta arauak definitzea.
• Prozesu kritikoak, mendekotasunak eta berreskuratze-helburuak (RTO/RPO) identifikatzea.
• Arriskuen analisia egitea eta mehatxuak identifikatzea.
• Krisi-simulakroak diseinatzea eta jarraitutasun-probak koordinatzea.
• Erresilientzia operatiboko prestakuntza- eta kontzientziazio-planak egitea.
• Hornitzaileentzako jarraitutasun-baldintzak ezartzea eta betetzen direla ziurtatzea.
• Sektoreko praktika eta estandar hobeei buruzko aholkuak ematea barne-arloei.
• Araudiak betetzen direla bermatzea (DORA, ISO, NIST, COBIT, ITIL...).

ZURE ALDETIK JARRI BEHARREKOA

• Ingeniaritzako titulazioa (Telekomunikazioak, Informatika, Industria, Aeronautika...).
• Gutxienez 3 urteko esperientzia finantza-erakundeetan
• Ezagutza praktikoa negozio-jarraitutasunean, krisien kudeaketan eta aplikatu beharreko araudian.
• Esperientzia baloragarria GRC tresnekin, alerten kudeaketarekin eta jarraitutasunarekin.
• Euskara eta ingeles maila altua.

ZER ESKAINTZEN DUGU?

Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako:

• Talde-lana, elkarrekiko laguntza eta parte-hartzea sustatzen ditugu.

• Prestakuntza pertsonalizatzen dugu, pertsonen trebakuntza beren bizitza profesional osoan garatzeko.

• Bizitza profesionalaren eta pribatuaren artean oreka ona egon dadin behar duzun malgutasuna eskaintzen dugu.

• Barne-talentuaren aldeko apustua egiten dugu, eta, horregatik, erronka berriei aurre egiteko eta rol berriak hartzeko aukera ugari izango dituzu.

• Zainduz gure osasun-programaren bidez zainduko zaitugu. Programa horren bidez, honako hauetaz gozatu ahal izango duzu: ohitura osasungarriei eta ongizate emozionalari buruzko tailerrak, Fisioterapia digitaleko zerbitzua, oinez edo bizikletan lanera etortzeko pizgarriak...

• Lagun Aroren koadro medikorako sarbidea erraztuko dizugu zuretzat eta zure familiarentzat, baita banku- eta aseguru-baldintza berezietarako ere.

Azken batean, lan-ingurune inklusiboak eta errespetuzkoak eskaintzen ditugu, lan-dinamiketan eta karrera profesionaletan gizonen eta emakumeen arteko aukera-berdintasuna bermatzen dugu, berdintasunaren arloan erreferentzia izateko lan eginez.